周星馳-食神 (粵語劇本)
（廟街） 相士：先生，你額有朝天骨，眼中有靈光，仙人托世，神仙下凡，終於畀我等到你。 （史提芬周欲走） 相士：咪喐，雖然我洩露天機，災劫難免，但系我命中注定，就算我冒再大嘅危險，我都要同你睇個全相嘅。 （史提芬周仍然不理） 相士：先生！先生！先生！先生！ （史提芬周幫襯火雞嘅面檔） 史提芬周：唔該畀碗嗱喳面呀。 史提芬周：鹼水面冇過冷河，所以成碗湯有鹼水味。魚蛋亦都冇魚味，但系你為咗掩飾，專登加啲咖喱汁將佢做成咖喱魚蛋，但系噉做太天真嘞，因為你煮嘅時間唔夠，咖喱味根本只系喺表面，而冇入到裡